平機會就「歧視條例檢討」的公眾諮詢已開始咗個幾月，「將香港居民或移民身份列入《種族歧視條例》，為新移民及遊客提供理想的法律保障」，呢樣野真係聽到都火燒心。 

我從來都無歧視大陸人，我係鄙視大陸人啫。歧視係不平等看待；而鄙視係有誘因，令我睇唔起佢哋。

我係忍唔住要鄙視佢哋（又話我針對一兩個大陸人，唔係得我一個時運低，撞到醜陋的大陸人架，大陸人係好似7仔咁，無處不在）：

我真係唔想……

• 搭 MTR 再次有大陸人從後用雙手頂住我個腎臟。
• Lunchtime 食飯行出公司，俾啲自由行用個行李輾過我對鞋。
• 去屈人寺買野，見到有班大陸女人著裙又露哂底咁打開個篋執奶粉。
• 去 MK 打個白鴿轉拮串魚蛋，又見到大陸人再次抱起佢珍貴的細路痾金，我咀嚼緊架大佬。
• 去迪迪尼或者海浪公園，見到「一名大陸人」代表佢祖宗十八代排係我前面，打我尖。

「我真係怕咗你哋呀……」

前年我去青島出 trip，其中一個行程係參觀青島個XX樂園， XX樂園引入咗隻北極熊，啲大陸人不停抱起佢哋珍貴的細路，教佢地痴咗線咁拍打北極熊館的玻璃，以得到北極熊的注意。絕對唔需要心理專家，都可以證實隻熊係患上抑鬱症，長期有班精神失常的人拍打住自己間屋塊玻璃。同一時間，班企鵝都俾班大陸人搞到好似飲醉酒咁，行唔到直線。當我參觀個時，我係聽得明啲動物叫咩架，佢哋係大叫：「救我呀……好X恐怖呀班大陸人……」 

係咪好心寒？因為我覺得香港人真係好似隻北極熊，日日都俾啲大陸人迫害，日日都處於痴線同就痴線之間。 

「這個世界最壞罪名」必定係歧視大陸人呢個罪名……

好啦，的確有啲大陸人無犯任何錯，佢哋會指摘我哋笑佢，歧視佢。冤枉呀，我哋唔係歧視你呀，笑下唔俾咩，咁好笑點忍呀大佬……

「純粹笑下你，唔係歧視你」的例子：

• 我有個朋友的朋友去踢波，入咗球，佢就好有型咁用件衫笠住個頭，再成個身鏟落草地慶祝。奇妙的事情就發生，佢 pair LIN 相繼鏟甩左，佢狀甚痛楚，最後 call 白車急救，佢好番之後，冇左 pair LIN。我絕對絕對，可以對住燈火發誓我唔會歧視佢冇 LIN，但我絕對絕對有笑佢。
• 前排 SAMMI 演衝上雲霄電影版，啲網民問佢飾演咩角色，有人答：「應該係機場新嗰條第三條跑道。」同樣，我真係無歧視 SAMMI 的身材，我只係覺得個網民好賤，但真係好好笑。

同樣地，大陸人有時真係好好笑呀，唔係歧視你呀，笑下唔俾咩……

• TBB 個沒女阿銀話香港人笑佢啲廣東話，其實我哋真係笑下架咋，都冇針對大陸人，正如崔世安講普通話，點忍到唔笑呀。
• 大學時期，S同學去迪迪尼做暑期工，有大陸人問迪迪尼入面架火車係唔係去邊都唔使錢？S同學答係呀。大陸人就指住架迪迪尼火車追問：「那去羅湖也不用錢？」想笑死人咩。
• 你見到大陸啲游泳池，鋪滿晒人，好似 MK 啲咖哩魚蛋咁浮下浮下，仲繼續落水齊齊迫，點會唔笑呀。

P.S. 大陸人犯錯，我哋鄙視佢，又係我哋錯。我哋笑下佢，又係我哋錯。而家大陸人係唔係玻璃做架，佢哋搲著數打橫行嗰時又唔見佢哋咁脆弱，下下都話人哋歧視佢，不如返火星啦。

 

（本文原載於作者面書專頁）