自由黨成員今日（9月10日）於政府總部，與行政長官梁振英和商務及經濟發展局局長蘇錦樑見面。早前主動提出要求政府取限奶令的批發及零售界議員方剛，懷疑自己的建議引發起日前的光復上水行動，於會上表示不會再提相關建議。

方剛表示：「光復行動係冇咗嘅，靜咗好大輪，突然間上個禮拜日又出嚟喇，咁我就話係咪因為我提起咗呢個限奶令，而使到呢個光復行動又再次出現呢？咁我覺得呢個出現呢，係對我哋零售界係一個致命傷，咁所以我就話，我對限奶令呢樣嘢就到此為止，我唔會再講。」

港九藥房總商會理事長劉愛國在接受港台新聞訪問時表示，現時奶粉供應已經變得穩定，對撤銷限奶令遙遙無期感到失望，他指現時生意差，稱「你始終有啲奶粉賣吓都有啲幫助」，不過他又指對藥房界影響不算太嚴重。他期望在新年期間，旅客人數可望回升，令到生意好轉。

（無綫新聞截圖）