過往多個星期五，大家都可以在警察4點鐘記者會，見到警察公共關係科的幾位阿Sir，但今日（12月13日）就沒有記者會，反而大家可在網上見到郭Sir、江Sir同謝Sir，與一眾半紅不黑的藝人合照。

流傳的圖片中，見到知名撐警藝人曹永廉，近年終於成為「男一」的楊明，保安局局長李少光兒子李霖恩、姚瑩瑩等與幾位阿Sir大合照。

然而，網上流出的一張截圖，見到「煮食blogger」朱庭萱留言，叫一名叫「Ssgt Andy」的網民刪相，指「醒啲好唔好呀！人哋嚟支持你哋害死人」，結果「Ssgt Andy」終於刪相。

豈料更出人意表的事情發生了，朱庭萱在自己的專頁分享了一眾藝人與公共關係科阿Sir的大合照，指「今日一班朋友一齊去PHQ支持送物資！辛苦晒一班守護香港市民嘅警員！」。

由朱庭萱上載的一輯相不乏笑點，例如有人引用她的留言，指「害死人喇！撐警唔俾得人知架！快啲del！」，不過最搞笑的是幾位阿Sir容貌全部白裡透紅，懷疑是美圖App的傑作。

（朱庭萱fb截圖）