(圖片來源：MTR The Official Fan Page 截圖)

港鐵每個月都抽「生日之星」，抽出一個日子，咁嗰日生日嘅朋友，就可以有生日獎，而今次抽到嘅係全球最少人牛一嘅2月29日！  

港鐵今日（1月23日）抽出2月「生日之星」，抽出一個日子，當日生日人士，就可以有生日獎，可獲贈生日獎乙份，每份生日獎包括一張特別設計嘅「Happy Birthday 全日通」車票、一張50元港鐵商場現金禮券及其它商戶優惠券。而抽出嘅竟然係最少人生日嘅2月29日。  

今次結果，其實對2月29日生日嘅人嚟講算公平，因為佢地其實長年畀人恰，好多時生日優惠都冇份，但係今次港鐵送禮就慳好多喇。

一眾網友立即群起恥笑港鐵，「我真係恭喜你呀！二月之星係29 日真係謝主隆恩呀！」、「下次不如5月35日」、「確定冇擺到（2月）30同31號？」；有人嘲笑港鐵吝嗇，「仲唔係揀每個月最少人生日個日？！」、「確定冇擺到（2月）30同31號？」、「嘩哈哈哈，你不如公布一下有幾人去領你個獎啦」、「風吹皇帝褲襠（歇後語：孤X寒）」。 

港鐵其後回應指「『每月之星』驚喜自 2016 年 3 月舉辦至今，活動將近尾聲 只要乘客的生日與嘉賓抽出之「幸運月日」相同，即可享有禮品　但完全不限於生日當天內使用，事前不同的日子亦可換領禮品。」