本來，今日帶住小文西，去到689諮詢會場地外面冇打算會做尐咩，諗住離遠食下花生就算。

我企係示威區對面，一路大叫「打倒共産黨！」 一路觀察對面示威區情況，聽見熱血公民手足叫咪話俾差佬禁錮，叫咗好耐都係屌緊俾差佬禁錮，我真係睇唔過眼，走去對面，搵個白色軍嘅既差佬問……我都未問完，佢就叫我同第二個講！

嘩佢咩態度！

我係都要問佢呀！跟住有個警民關係科走過嚟，問我想問咩，我咪問佢點解白衫嗰個唔答我問題囉！

佢話有咩問佢得喇，我依家就係問緊點解嗰個白衫唔答我，叫佢答我點解，佢話佢都唔知點解，跟住佢叫咗嗰個白衫埋嚟，叫我有咩問就一齊問哂佢地兩個啦~

因為現場好嘈，熱血公民嘅力總俾咗支咪我，我用咪問嗰兩個差佬：「我帶住個仔，想入示威區，如果我個仔或者我有咩事想行返出蒞，得唔得先？」

個警民關係科話得，我再問佢地：「咁我尐朋友想出嚟，得唔得先？」

佢哋咬咗一陣耳仔，個警民關係科話一個一個排隊出就得，成堆咁衝出嚟就唔得！

我話：「排咩隊呀！大陸人落嚟香港都打尖唔排隊，做咩要我哋排隊呀？大陸人洗黑錢貪污嚟香港都唔排隊！」

跟住班差佬叫我入去，我問多佢地一次：「係咪我哋全部人都可以自由出入先？」

個督察話「係」，我就同佢講:「係你講架！係你話我哋可以自由出入架！」

入咗去冇耐，文西訓着咗，到中段時間，我想去周圍睇下佈局，點知離開鐵馬區，班差佬叫個madam跟住我！

佢哋使唔使咁驚呀？？？我孭住個仔，你慌我會去打交咩！

呢個咁嘅仆街政權，連婦孺都驚！！

到差唔多接近完場，有手足想出去但俾差佬阻止，我走埋去，指住頭先個警民關係科:「係你應承我哋全部人都可以自由出入！你而家係咪反口？警察反口！（和：警察反口！）警察反口！（和：警察反口！）」

跟住同其他手足一齊向班差佬理論咗一段時間，班差佬先至肯放個手足出去，但只係放嗰一個，我哋其他人繼續被禁錮，直至689離開為止！





相關報道：
【689落區　警方非法禁錮熱血公民　黃洋達遭警打傷】
http://www.passiontimes.hk/article/11-24-2013/6411


延伸：
《熱血親子團》節目群組
https://www.facebook.com/groups/passionbaby
《熱血親子團》節目重溫
http://www.passiontimes.hk/?view=prog62