昨日立法會就彈劾行政長官梁振英的動議進行辯論。動議由社民連的梁國雄提出，並得到27名民主派議員聯署支持。在整個辯論過程中，最讓人印象深刻的可算是民建聯的元秋 --- 蔣麗芸議員。

蔣麗芸對彈劾議案「表示遺憾」，因為立法會針對梁振英問題已經作出過多次討論。「我睇完呀，議案呢十大頁，洋洋灑灑嘅三大指控之後呢，真係呢，唔嚇死都比佢激死！」蔣麗芸指法庭字典裡的所有字都在議案中被用盡，包括虛假、蓄意、欺騙、拖延、妨礙、掩飾、隱瞞、誤導、舞弊等。她不認同以上對梁振英的指控，並指﹕「假如有人犯咁多罪，唔判終身監禁都要坐幾廿年監啦」。元秋用了一句說話來總結彈劾動議﹕「就係指控特首講大話！」

蔣元秋表示去年閱報得悉梁振英的僭建事件時，不禁驚叫了一句「唔係嘛？」 因為她深信﹕「認識梁振英嘅人都知道，佢係一個做事謹慎嘅人，有咩理由會犯埋啲咁嘅錯誤呢﹖」縱然深信梁振英，但主修心理學的元秋，表示習慣要從不同人不同的同角度去思考問題，所以她客觀地從情理法不同角度去作分析事件。

從理方面，蔣麗芸說﹕「究竟梁振英請傳媒返屋企嘅時候，知唔知道有僭建物？佢有無知情唔報兼講大話呢？」她認為犯罪者一般都有動機，如果梁振英知道自己有問題，是不會主動邀請傳媒參觀，唯一理由是他根本不知道梁宅有僭建物。她又指買屋時的僭建條款其實差不多已經成為獨立屋買賣的必簽文件，不足以成為梁振英作失實聲明的證據。

從情方面，蔣元秋表示﹕「被傳媒經常形容為城府好深、心思周密、滴水不漏，又點會唔知（政府有高空紀錄），講尐咁嘅大話？除非你認為佢係豬，唔係狼！十幾年前嘅嘢，邊件記得起？幾時起？幾時拆？一個經常喺外面做嘢嘅男人，又經常飛嚟飛去嘅人，又點可能記得咁多呀？好多男人連自己嘅結婚紀念日都記得唔清楚啦，何況個花棚？」這段發言聲情並茂，內容肉麻骨痺兼而有之，場面令人動容。

從法理角度方面，蔣麗芸指有政黨向廉政公署舉報，控告梁振英於選舉時作失實聲明，廉署已經表示證據不足，終止調查。同時亦有議員所提的選舉呈請，終審法院亦不受理，「所以從捍衛法治同司法獨立而言，立法會議員係應該尊重有關決定！」

縱然最近公布的港大民調，特區政府的信任度不過半，芸姨認為：「信任特區政府有45%，換言之，經過呢個事件之後，有好多市場依然好期望特區政府為市民多做實事！」她再強調彈劾議案浪費時間﹕「當中淨係調查委員會都可以查一、兩年啦，隨時，今個政府任期完咗，我哋班立法會議員仲喺度傻吓傻吓坐喺度搞緊彈劾呀，你唔介意呀，市民都唔制啦！」

在建制派保駕護航下，彈劾議案在地區直選議席以18票對14票獲得通過，但在功能組別以9票對23票被否決，最終因為分組點票機制而闖關失敗。




（註：蔣麗萍為1980年代香港著名女歌星，蔣麗芸胞妹）


圖：Calvin Lan