立法會政制事務委員會，今日（1月11日）舉行首場政改公聽會，《熱血時報》主持包括《熱血政治》黃洋達、《耶教異聞錄》陳到、《Game民力量》末日狼、《麻甩建港聯盟》馬啟聰，以及《少女熱線》Joey均有列席發言。其中黃洋達指諮詢文件中的「機構提名」為《基本法》所無，批評政府帶頭違憲，並即場撕毀《基本法》，政制及內地事務局局長譚志源則同意基本法原文沒有「機構提名」字眼，並建議市民按《基本法》45條的原文理解。

黃洋達發言時，率先質疑今次的安檢制度，認為每位到場發言的人均做足登記，何解仍要進行金屬探測，更直斥譚志源應該知道自己的所作所為，是會引人掟汽油彈，並有落地獄的心理準備。原本被黃洋達帶進場，寓意政改打假波的足球，亦被保安沒收。

其後黃洋達批評：「立法會俾我本《基本法》爛咗，點解會爛咗，就係俾你哋撕毀咗囉，口口聲聲講要遵守基本法，合乎法治精神，你自己睇份諮詢文件，喺註釋收錄喬曉陽講話，就話提名委員會要體現機構提名。《基本法》究竟邊一條有寫過？你仲同我哋講乜嘢遵守《基本法》？根本你哋做呢個諮詢時，已經單方面撕毀《基本法》！」黃洋達隨即將一本《基本法》撕毀，更指出打破《基本法》，全民制憲，全民提名，才能真真正正做到真普選。

在回應環節中，工聯會立法會議員陳婉嫻表示：「對於今節意見咁紛紜，到底大家想唔想行前一步，去爭取普選呢？」她點名黃洋達回應。黃洋達表示：「喺民主嘅角度嚟講，我哋香港人，爭取咗普選咁多年，泛民主派拎出雙普選綱領出嚟選舉咗咁多次，大家已經有共識何謂真正普選，我哋人人都識行前一步，但引用番余若薇所講：『與其行差踏錯，就倒不如原地踏步。』」

政制及內地事務局局長譚志源總結時，指今次安檢問題是立法會事務，事先並未有作出特別要求。對於諮詢文件內列明「民主程序如何體現機構提名」，他認同「機構提名」非《基本法》原文：「我哋都同意，如果『機構提名』呢一個表述方法，大家覺得唔係《基本法》原文裡面所寫，我哋都會提議大家可以用返第45條所講『提名委員會按民主程序提名後普選產生』呢個表述方式，呢方面嘅意見係有你哋嘅道理。」譚志源認為，諮詢小組三人並非權威，政府的看法亦非全面，將會虛心聆聽及思考。