曾鈺成今日會見傳媒講述立法會新保安安排時，再被傳媒問到如何看「有外國勢力介入佔領運動」，他強調當時接受訪問時講「睇唔到」是「講事實」，與梁振英近日再重申佔領運動有「外部勢力的端倪」相逕庭。

曾鈺成又指記者「當時問我有冇外國勢力，唔記得係問我干預、控制，咁我睇唔到，呢個係當時事實」。

根據10月29日有線新聞播出的訪聞片段，曾鈺成回應「我睇唔到(外部勢力介入)，真係事實」，而記者指梁振英說有時，他回應「咁可能佢(梁振英)睇到我睇唔到，佢睇到好多嘢我睇唔到」。曾鈺成當時認為「除非你將香港一些外國領事表達關注，都叫做外部勢力介入」，否則「客觀地看我不覺得有心去影響甚至主導、煽動或者挑撥任何一方的意圖」。

梁振英則在昨日，出席前港區人大代表吳康民新書《「佔中」是怎樣煉成》發布會時，再聲稱憑過去被公開的電郵，有關戴耀廷收取捐款，及黎智英多年來的捐款紀錄中，可見佔領運動有「外部勢力的端倪」，並指出外部勢力包括「外國以國家名義做的事，有外國政府部門以部門名義做的事，亦有外國非政府組織和個人做的事」，又聲稱現時「有不少外部勢力透過『佔中』介入香港的文件被公開」。

（2014年10月29日有線新聞截圖）