政務司長林鄭月娥、政制及內地事務局長譚志源及副局長劉江華，今晚（1月13日）出席工聯會主辦的政改諮詢會。林鄭就危言聳聽，指如果否決今次政改方案的話，當局並沒有確切時間表，肯定可在下屆政府再處理普選問題，言下之意就要大家「袋住先」。

對於有人士提出，否決今次政改方案，可以盡快重新啟動政制發展五部曲，林鄭就重申這個想法是不設實際及不可能：「因為按住全國人大常委會舊年8月31日嘅決定，已經清楚講明咗，如果我哋喺政改第三部曲，由特區政府提出嘅政改方案，唔能夠順利完成法定嘅程序，2017年選舉行政長官就只能夠沿用番2012年行政長官嘅產生辦法，換句話說，都係由一個1,200人組成嘅選舉委員會，去選出下一任嘅行政長官。」

林鄭又講到否決今次政改方案的後果：「喺2017年我哋冇辦法可以落實到普選行政長官，亦都係同樣等於，我哋係唔可能喺最早2020年，可以落實所有立法會議員由普選產生，呢個後果，對於香港民主發展，係相當嚴重。」

雖然泛民已經表明會否決831框架底下的政改方案，不過林鄭就表示不會灰心及心淡，會繼續做好諮詢工作。

（無綫新聞截圖）