佔中發起人戴耀廷今日於《蘋果日報》發表了《開天索價vs明碼實價》的文章，以調解角度分析爭取普選策略。今晚戴耀廷接受本台節目《熱血政治》時，主持人黃洋達就批評文章暗示要大家放棄公民提名這個較高要求，並勸籲戴耀廷勿以第三者角度分析事件，要認清自己於爭取普選的影響力。

戴耀廷首先說明文章的主旨：「我係從調解紛爭嘅研究去睇，如果兩邊都以開天索價嘅方式去做，即係話兩邊都接受到一個低尐嘅要求，但係走出嚟嗌高價的話，咁就係大家嘅損失。如果大家個實價都係高價的話，咁就永遠都傾唔埋。」

當被問及公民提名是否開天殺價時，戴耀廷就作出否認，認為不同人有不同的定義，但就認同如果以提名委員會及公民提名作比較的話，公民提名屬明碼實價較高的要求。

否認文章教人退而求其次

黃洋達就認為文章是要大家退而求其次：「作為讀者，我會認為你呢篇文章係話畀我哋聽，如果我哋要求公民提名，達成嘅機會係不及我哋唔堅持。」

戴耀廷就再一次重申文章只以調解角度出發：「我只係用調解紛爭角度入手，如果呢個係你嘅實價，你咪用某尐嘅行動，去挾逼人哋讓步，冇矛盾架。」

黃提醒戴對政改有影響力

黃洋達就提醒戴耀廷於爭取普選路上並非旁觀者，而是切切實實的參與者：「人係會畀權威人物影響，我必須要提醒戴教授，你要意識到你喺整個政改運動入面嘅影響力，雖然你曾經講過唔想喺呢個運動扮演摩西，但事實你喺輿論上帶引咗好多群眾。我希望戴教授你要小心，你唔係喺第三者嘅角度。」

戴耀廷再次作出否認，認為談判拉倒的話，仍可以透過公民抗命去繼續爭取，並抗拒成為爭取民主路上的摩西：「我明你嘅意見，你有你哋嘅期望，我嘅角色就係一個促導員。我係唔想做摩西，但有人視我為摩西，我阻止唔到佢哋，但我要話畀佢哋知我唔係摩西。如果你唔當我係摩西嘅角度去睇，從文章本身，用詞用字，有冇偏向任何一方呢？」

黃洋達就再追問：「戴教授你頭先同我哋講，如果真係不能達成共識，我哋咪公民抗命囉，戴教授你可能覺得唔使寫喺篇文度，因為你最初宣誓已經講咗，但係喺政治傳播角度嚟講，你唔能夠要求群眾睇晒你所有嘅嘢嘛。」

戴耀廷最後承諾於日後的文章多加註釋，做好促導員的角色：「如果你話我要做一個真正嘅facilitator（促導員），就要連呢點都要講埋，我可以喺後面嘅文章補番呢點嘅。」