熱血時報 | 被問警隊淨係識影selfie 李家超指接觸患者「咪又係警隊囉」

被問警隊淨係識影selfie 李家超指接觸患者「咪又係警隊囉」



被問警隊淨係識影selfie 李家超指接觸患者「咪又係警隊囉」




立法會今早(2月19日)開會討論應對新型冠狀病毒疫情措施。李家超在會上被議員質疑警隊在疫情中佩戴高規格防護裝備,但工作表現不相配,如在現場「影selfie」,離遠守郵輪等;保安局長李家超反駁,指「最後出動嘅係邊啲呢?咪又係警隊囉。」又希望大家公道、公平看待警隊的付出、不同方面的努力。

李家超在會上表示警務人員需處理很高風險的個案,立法會議員郭榮鏗表示不解,指守隔離營「你就搵童子軍去守,啲警務人員呢?揸住啲N95,成身保謢衣物,淨係識係到影selfie;叫你守郵輪,你就隔半隻郵輪身位去守住個隻郵輪」,質疑李家超所謂高風險工作是否與明星足球隊聚會。

政務司長張建宗回應時澄清,政府並無徵用童子軍守隔離營,只做義工聽電話、送食物,所有駐守隔離營的人員除了警務人員,就是民安隊、醫療輔助隊。

郭榮鏗追問時指李家超「好想回應」,要求主席讓他發言。李家超回應時指警隊面對許多情況,特別是突發性的、不同風險的都會出現,例如撤離行動如果涉及被感染的人時,「最後出動嘅係邊啲呢?咪又係警隊囉。係任何我哋嘅隔離營,如果有啲人係想離開個隔離營嘅,要親身、近距離接觸嘅係邊啲呢?咪警隊囉。如果有啲人佢係醫院裡面有任何情況、有突發性,要處理呢個突發嘅情況嘅係邊啲人啊?咪又係警隊囉。」

李家超又指所以警隊除了日常治安之外,在抗疫防疫方面面對不同的困難、挑戰,都在很有承擔地工作,希望大家公道、公平看待他們的付出、不同方面的努力。


(RTHK FB直播截圖)


讀者回應
相關文章