專業食材店大棧昨日在其Facebook專頁推出奇怪優惠，指公司為了反對美國的貿易壁壘，支持自由營商，力撐華為，只要顧客在2月20日至22日三日內，持華為手機到大棧購買個別貨品，便可獲送贈特別禮品。然而因送出之禮品包括有「特朗普8年茶餅」及「西班牙黑豬午餐肉」，結果惹來一眾網民留言恥笑。 

大棧在帖子中特別製圖，指「政治打壓，虛偽不可取；貿易壁壘，阻全球發展」，又表示深信「無論甚麼行業，只要能專注、用心，做出優質靚貨、價格具競爭力，便會被市場選擇。」 

有網民嘲笑大棧假愛國，問大棧「點解唔係賣國貨？做乜支持日本瑤柱？西班牙午餐肉？」，也有網民表示本應想幫襯，但「見到啲咁紅色污染嘅廣告，唔駛旨意會再幫襯」。 

另外有人用粗口質問大棧，「港人被政治打壓時，大棧你幾時出過聲呢？何況別國内政關你尻事咩..」；「小小事都政治化，唔該專心做生意，唔好破壞和諧、撕裂社會、搞亂香港！你分化我用小米既老母同佢用華為既朋友，而家佢老人家唔高興，你點賠償！？」；更有人好意提醒大棧，「Facebook 都是美國㗎喎」。

（圖片來源：大棧Facebook專頁截圖）