雙非係一個選擇，當初係刻意安排，衝關、走數、關口生仔、搏坐監，無所不用其極地要喺香港生的。生出嚟又唔養，推出嚟又攞綜援？

好，你話佢哋無大陸戶口好慘，咁就麻煩去爭取大陸開戶口，正如成日嗌嘅「建設民主中國」咁，返大陸搞。

而家制度上有咩問題呢？喺香港搵到「監護人」的話點解仲要申請綜援？監護人嘅意思係乜？監護個小朋友嘛。你又唔肯拎返大陸養，又要佢住香港，搵個人睇住佢衣食住行，咁現時安排「雙非兒童申領綜援時須由綜援申領者做監護人，並須同住」咪已經好合理囉？

最後，我想講，一個張超雄唔選，或者一個張超雄選唔到，係無意義的。因為你要懲罰嘅，係呢種思維路向，呢種背棄香港人族群嘅行為，將香港資源一再割讓畀人。呢種行為，作為一個政客，係要連坐的。點解要連坐？張超雄今日唔做立法議員又如何？仲有好多NGO嘅資源係深深連結住立法會議席、各議會或委員會的。一個政黨當然可以有唔同立場，迫到個政黨容許唔同立場，甚至同個別黨員有距離，先可以有效地減輕以至切斷呢啲連結。

所以我唔呼籲唔投張超雄，我呼籲嘅係全面杯葛工黨，除非佢哋就新移民問題，尤其是呢單綜援議題提出清晰嘅回應，否則成個工黨都唔應該投。講真，舊有嗰班立法會議員有邊個有用？工黨嘅議員有邊個？李卓人建設民主中國？何秀蘭去上海傾政改返嚟臨急著平反六四衫？

相關新聞：

【張超雄聯同新移民團體　促社署放寬雙非童申領綜援條件】
http://www.passiontimes.hk/article/03-18-2015/21839 

English version is also available：http://hkcolumn.blogspot.hk/2015/03/astrophel-lim-whats-more-unabashed-than.html

（本文原載於作者面書，蒙作者答允轉載。）

（圖片來源：工黨 Facebook 專頁）