日本日清食品宣布月底推出「日清咚兵衛」新口味，開宗明義叫「どリッチ 全部のせうどん」，即係乜都有。

新口味會有齊豆腐卜、牛肉、天婦羅做配料，湯底則係昆布及鰹魚高湯。但日清表示由於配料太豐富，一般包裝實在塞唔落，所以會採用帶有膠蓋嘅特殊包裝，睇官方圖片見到個碗係高身啲喎。

日本發售日期係4月23日，售價約310日元。唔知香港幾時有呢？