「SALLY，我煲咗碗粥你食，食完先食藥啦！」

「MUM，我唔食藥！你哋嘅藥唔啱我食，我想辭工，呢度太凍，我聽日返印尼，然後返新加坡繼續打工。」

「吓！尋日15度，涼少少啫，你一時未適應，所以嚟咗一日就病！唔使辭工呀嘛？你再考慮下啦！

「NO！MUM！我聽日要走！」

「但跟勞工法，你係要一個月通知或畀一個月通知金先走得架！」

「MUM，我無錢賠畀你，我要即刻走。香港太凍，你唔可以對我咁殘忍。」嗚嗚嗚……

「SALLY，我畀咗9千蚊中介請你，你只做得一日，邊個對邊個殘忍呀？！」嗚嗚嗚……

以上故事係僱主真人真事改篇，最後僱主怕留外傭做多一個月只會玩死自己，只好與外傭協議雙方無須賠錢即走。其實，除咗以上出眾嘅原因之外，僱主喺網上都列出過唔少經典嘅辭工原因：

1. MUM，你失業咁耐，點解仲唔返工？

2. 阿叔死咗，我要返去分身家。

3. 我工作只包括湊BB，家務唔應該係我做。

4. 婆婆／嫲嫲／公公／爺爺成日嚟屋企。

5 .無免費咖啡提供。

6. 屋企有鬼。

7. 貓屎好臭（見工時已知有貓）。

8. 屋企無野做，好悶。

9. 唔想同小朋友SHARE一間房（見工時已知）。

10. 老豆／阿哥中槍。

11. 無私人廁所。

12. 小朋友鼻鼾聲好大。

13. 八年來都無月經，忽然今個月有，要趕返去搵老公搞大個肚。

14. MUM再有BB。

15. 屋企有狗（見工時已知有）。

香港外傭又稱為「工主」，因為好多外傭真的身嬌肉貴，就似「公主」一樣，稍有不滿意就會向僱主投訴，甚至乎不斷轉工。「香港外傭僱主」Facebook 群組簡單做了一個調查，發現有106位僱主遇過外傭中途辭工，總人次為235人次，當中有9位僱主試過5次以上外傭辭工，但外傭不是需要借錢來香港打工的嗎？未還完錢就可中途轉工？據聞菲傭來港後是可向領事館申請退回中介費，所以根本無需要再還錢。另外，中介之間亦會互相搶人，外傭不單不需要畀中介費，如外傭介紹同鄉過檔到另一中介，介紹人更會有獎金，難怪近年出現唔少職業斷約外傭，返工後做盡一切壞事博炒，希望僱主忍受不到而即炒賠多一個月通知金！

在香港請外傭是要「用錢博」！外傭不 HAPPY 就可以炒僱主魷魚！八千多元的中介費可以博到「工主」做兩年完約是極為好彩，最不幸的就像以上個案，外傭只做了一日便辭工，八千元的中介費就這樣白花了！