「2017 Mega Ice五人冰球賽」成人組將於明天（5月1日）五一假期開鑼，今年是Mega Ice五人冰球賽十週年賽事，熱血時報今次請來了由第一屆賽事至今年，參加了這個比賽十年的冰球運動員Michael Lam接受我們的訪問，分享他與冰球相遇、再成為終生職業的故事。

今年39歲的Michael Lam（下稱Mike），現時擔任冰球球會KUNG POW KINGS的教練及總監。自小於冰球王國加拿大長大的Mike，兒時在加拿大看過不少冰球比賽，當時冰球球會Edmonton Oilers贏過6年NHL冠軍位置，不少有名冰球員當時亦為Edmonton Oilers效力，令Mike對冰球產生興趣，奈何當時沒有時間開始冰球運動。Mike初次接觸冰球竟然要數到2002年，正正是二十出頭的時間，Mike回到香港工作，發現「有少少錢淨返，又有少少時間玩，咁就試下啦。」，當時仍然是英語教師的他，初時參加幾次溜冰課都未能掌握到，卻毅然投入冰球這項運動，遇上了他的師傅。

回流香港首次接觸冰球

開始學習冰球短短半年，就參加了第一次比賽，問到Mike仍否記得第一次比賽的情況，他笑言當時自己完全不知道在做什麼，西九龍中心的場地較細，自己當時很混亂。相對於今天的自己，他指自己「Focus返今日黎到比賽係要做啲咩，係冰面上面要做到啲咩。可能上一場做得唔好嘅地方，自已唸返今場要點做。」。現時身為前鋒的他，原來由第一次比賽開始，就擔任前鋒角色。「因為Forward先入波架嘛，大部份都係Forward入波。」他笑言是自己自薦成為前鋒，認為前鋒有更多入球機會。但不要認為他是個人主義的球員，問到比較喜歡入球還是助攻，Mike幾乎不假思索地選擇了助攻。「咁助攻又好啲喎，因為傳波比隊友，對團體整體有幫助。」

一玩上癮　無法放下的運動

「冰球係一個好特別嘅運動嚟，你玩咗一、兩次就上咗癮架喇，你一玩咗就放（棄）唔到。好多運動員都係咁。」對冰球「上癮」、坦然後悔太遲開始的他，對於冰球，即使遇上低潮，亦從未有一刻想過放棄。Mike被問及有沒有想過放棄冰球時，表現一向非常「Chill」的他，此時非常肯定的回答「No! Never.」，他看待低潮的看法，的確與一般人有所不同。「打比賽輸係正常嘅，一定要有贏有輸架嘛。睇下點改變，做好返自己，去Improve成個Team一齊做好啲。」可能因為Mike面對低潮有獨特的看法，來到去年2016 Mega Ice五人冰球賽，亦是他參與此賽事的第九個年頭，他與球隊KUNG POW KINGS奪得了ASIAN A CHAMPIONSHIP殊榮，雖然並非第首次奪冠，但對於他而言是非常有價值的獎項，亦是他至今最珍貴的回憶。

將興趣變成職業

雖然Mike並非冰球一線港將，於不少時間處於港隊Reserve List，種種等待都未有讓他放棄的念頭，反而他毅然放棄教英文，轉行將冰球成為自己的職業－冰球教練。05年有朋友開設冰球公司，請來了一位非常好的教練Barry Beck（曾擔任New York Rangers隊長五年之久），邀請Mike一同幫忙，共事七年，亦學習了怎樣去當一個教練。「做教練呢唔係齋去教傳波、射波嗰啲嘢嘅。係真係教小朋友去責任、點樣去執裝備、On time，有好多唔同嘅嘢小朋友係可以學到。」，又指「Primary School係唔會教呢嘅，冰球一定會有呢樣嘢比到小朋友。」。對於小朋友在冰球能夠學習到的事，他的熱誠亦非常有感染力。「My passion is to teach this, it's not just Hockey.」希望學習冰球的小朋友能夠成為一個各方面都做得更好的人。

起步點不一樣　球員生涯大不同

於冰球生涯裡面，Mike曾代表香港出賽一次，到亞聯酋參加亞洲挑戰盃。「那一次比較特別，當時港隊唔夠人，自己之前報了幾次名都在Reverve List裡面。」指自己實力未夠好，但那一次是一個很好的經驗。 雖然Mike並非香港頂級運動員，但他成為冰球運動員15年，從未想過放棄。反而後悔大遲才接觸冰球這項運動「可能我30年前開始嘅，（依家嘅）我就完全唔同。好似我教嘅學生咁，佢地嘅十五年，同我嘅十五年，係完全唔同。我廿幾歲開波，佢地五歲開波，係完全唔同。」，坦言自己的學生在肌肉運動、各項協調，因為較早開始這項運動的關係，即使學習時間一樣，可能比自己更加靈活。

「冰球只係其中一項運動」

熱愛冰球的他，被問到有什麼可以寄語對冰球有興趣的朋友，Mike這樣說：「你唔好諗冰球係Only one，你有swimming、有跑步、有Tennis、有football…有好多唔同嘅活動。你想做一個球員呢，唔好唸住玩一個運動就可以有success。每一個好有經驗、出名嘅球員，全部都係Athlete嚟。」對於真正的球員的定義，他有一套看法，認為應該要接觸更多類型的運動，而非專注同一項運動。「真嘅球員，咩運動都可以玩到。淨係玩一個運動好易受傷，玩一個真係唔夠。」更講到不少美、加研究，運動員過度專注一個運動，會令受傷機會率增加。

不少人認為想一項運動能力提升，要專注一項運動訓練，不要浪費時間在其他項目上面。他坦言香港不少家長有此想法。但他真正希望能夠陪養出一個真正的運動員，能夠勝任不同運動，而非單單一位冰球員。講到香港冰球，Mike指香港冰球員非常優秀，但離世界級職業冰球員有一段距離，大部份冰球員都要面對長大成人、面對工作的情況。「I don't want Hockey players, I want an athlete. I want a responsible young adult.」Mike認為單單訓練出一個於冰球以外，各方面做得更好、更有責任感的成年人，更加重要。

談職業生涯目標　望學生能夠學習面對成敗

談及在冰球的目標Checklist，Mike希望能夠成為一位更完備、更出色的教練。「I'm gonna speak English for this. I think for a goal. For me, it's to always continue pushing my ability to coach. To be a better coach, to be a better organizer, so that the kids can benefit. But at the same time, I think I have to push myself to challenge myself to get better, so that I can coach different position.」希望能夠於日後能夠帶領青少年、成人、國家隊的隊伍教練。談到今次比賽，他表示希望學生們能夠吸收更多經驗、享受比賽，以及學習如何面對成敗「Winning with grace and losing with grace is something you must learn. 」，令自己成為一個更好的球員，與隊友一齊贏多過輸。