「香港人的六四集會」昨晚於尖沙咀文化中心的自由戰士廣場完成，主辦單位之一的「熱血公民」，其首領黃洋達今日（6月5日）傍晚接受香港電台第一台節目《自由風自由PHONE》訪問，再一次解釋六四與本土的關係，並認為集會後的廣東道自由行，高呼打倒共產黨才是整個活動的重點。

黃洋達表示，在主流傳媒報導的「香港人的六四集會」，就只見到集會和儀式，但其實集會之後的行動才是最重要，亦是與支聯會集會的最大分別：「對於我哋嚟講，最重要係認清共產黨係殺人政權呢個事實，而我哋今年政改呢個時刻，亦係面對緊呢個殺人政權，抗爭係一個重要出路。所以集會尾聲嘅時候，呼籲大家去廣東道，將打倒共產黨呢個訊息，去傳遍整個尖沙咀。成日都話六四要去匯聚力量，咁匯聚力量嚟做乜先，所以行動係最重要，打倒共產黨呢個訊息亦都最重要。」

不排除配合學聯佔中行動

被問及除了在廣東道呼喊打倒共產黨之外，還有沒有其他行動，黃洋達再一次重申，如果政府強行通過偽政改方案，沒有公民提名的話，就會號召群眾，佔領立法會。黃洋達表示，佔領立法會與和平佔中並無衝突，認為同類型的抗爭行動愈多愈好，並歡迎及鼓勵學聯於七一佔領中環，甚至會配合行動。

當被節目客席評論員鄭宇碩問及，打倒共產黨有沒有行動綱領的時候，黃洋達認為此問題「多餘」外，並再一次解釋六四與本土的關係：「首先第一樣係解決應然性問題，亦即係應唔應該打倒共產黨先，你首先要解決呢個原則性問題，就係管治有冇合法性，呢個喺原則上大家要認同咗先。第二，任何抗爭運動都係由理念同意志開始，具體嘅行動係當全部嘅人認為中國共產黨係冇管治合法性的話，就冇人授權佢繼續管治，所以第一樣嘢，就係發聲，有人會質疑我哋點樣打倒共產黨，有乜嘢實際方法先？咁好過你唔講丫。」

否認明年轉場維園

鄭宇碩追問若不承認共產黨，是否等同拒絕接受特別行政區政府的正當性，黃洋達亦表示不認同港共的合法性：「呢個係一個政治現實嘅問題，喺原則上嚟講，啱架，係根本上唔認同佢哋嘅認受性，所以我哋一路同主張全民制憲。」黃洋達並認為現在才開始抗議，起步上已經較遲，即使無槍無炮，但至少在意志上要保住香港。

此外，黃洋達亦否認明年將集會改到維園舉行，並認為如果下年有真普選的話，對待六四的態度亦會有不同，一切有待下年才決定。