利物浦球迷近期過足波癮，先見證愛隊第6次捧走歐聯，今日（6月8日）由名宿科拿帶領的「利物浦傳奇」隊，就以香港大球場以3:2擊敗多蒙特。

雖然「利物浦傳奇」隊未有「神奇隊長」謝拉特壓陣，但亦都粒粒皆星，包括韋斯達維特、格連莊臣、凡美、麥卡迪亞、丹尼爾艾格、麥馬拿文、科拿、路爾斯加西亞、戴奧、貝加、古積特、軒索斯、荷西安歷基、巴比、史米沙、比斯根。

「多蒙特傳奇」隊亦都不乏熟悉面孔，例如門將維丹費拿、南韓左閘李榮杓、長人中鋒真高拿，以及同時效力過多蒙特及利物浦的德國前鋒列度。

雙方入球梅花間竹，利物浦先由戴奧於5分鐘先開紀錄，20分鐘多蒙特憑克羅地亞射手柏歷扳平，1分鐘後，紅軍再由戴奧的入波再度領先，之後多蒙特射手艾禾頓又再追和。去到下半場69分鐘，紅軍前鋒科拿射入12碼，最終以3:2贏波。