八仙嶺山火倖存者張潤衡赴台探訪塵爆傷者及家屬，被指影響傷者心情及有抽水之嫌，連日來不斷被網民狙擊。到昨日（7月2日），有至少4名網民於張潤衡 Facebook 留言，指自己是張的舊同學，暗示張當年在八仙嶺山上吸煙，簡接造成慘劇。

今日張潤衡接受網台節目《一錘定音》訪問時，直言對4名爆料網民都沒有印象，但又指自己當時穿黑白間條，並非網民所指的綠色衫，更澄清「喺山上面食煙一定唔會係我」。他承認當日食早餐時確曾吸煙，但就強調自己怕事，故不敢於老師面前犯錯，絕對沒有在山上拿煙出來，亦有舊同學李雋文做人證。張潤衡又爆料，指當日好多同學都有帶煙上山，但就指見不到有人在山上吸煙。在訪問中，張潤衡承認自己昔日態度差及不受歡迎。

對於有很多人都質疑張就是八仙嶺慘劇的罪魁禍首，被問到會否想知道當日山火的真相時，張潤衡就表示「其實，真相，你搵到又點啫」，面對指控，張又指「唉，出嚟對質，咪又係咁樣。你有你嘅講法，我有我嘅講法，無意思架喎。」

至於有網民投訴被張潤衡刪除留言，他隨即作出否認，指整日忙到沒有時間看 Facebook，他對留言被消失，就作出以下解釋：「Facebook 係有個 Function（功能）嘅，佢係唔知點解 auto-hide（自動隱藏）咗」，並指「自動架，我都解釋唔到，我都想知點解」。

張潤衡最後向網民作出請求，指「禍不及妻兒」，希望網民不要攻擊他的家人。然而，張在訪問中曾指忙到沒有時間看留言。

（一錘定音截圖）

相關報道：被指過早訪台影響傷者心情　張潤衡：憑乜嘢覺得我唔合適
http://www.passiontimes.hk/article/07-03-2015/24112