呢一集《港豬想旅行》，做得特別開心！所以，特地在剛剛直播後的深夜回到家時，寫寫節目後感。（以前從未有一集是有「節目後感」的）

起初要決定做一集講關於「輪椅旅行」為主題的節目時，我二話不說，WhatsApp通知我認識的兩位好朋友：Rabi及通仔。他們就是我所認識的輪椅朋友當中，比較喜愛旅遊的份子！不約而同地，兩位都一直有留意我做節目講旅遊，均表示很想上來做嘉賓！

於是我們由2015年頭開始約，約到現在7月，終於做得成呢一集！不過，事實上呢一集並唔係大家想像中咁容易做的，當中都經歷幾返波折。

首先，要請兩位上來節目做嘉賓，我同另一位主持人阿Ka研究過，本身《熱血時報》直播室通道，的確不夠寬闊讓兩位的電輪椅行過，所以一早已打消了在美羅（熱血時報直播室的所在大廈名稱）做節目的念頭，改為「外景直播」，即是「即時直播出街，但在直播室以外的地方做節目」。阿Ka本身在新蒲崗有一間Studio，是夠位置容納電動輪椅的，但當我跟兩位嘉賓了解過後，他們都表示最好該Studio能夠有「殘廁」方便他們，我問過阿Ka先至知道，Studio大廈本身是沒有殘廁的，所以都勞煩了兩位「諗諗計」，例如在節目前先到達Studio附近酒店解決，然後少飲水少吃東西，再到Studio做節目。這個就是我們原定的Plan A。

到一切定案後，我就如常執行「請嘉賓前應有的程序」，例如開個Facebook group，先同嘉賓講解清楚節目方向、主題、內容、目的等等，然後再叫嘉賓在以「節目播出前一日」為deadline，揀選幾張旅行的相片，email給我先過目，我再轉send去《熱血時報》的operator預先準備。

之後，一切都以為辦妥了的時候，靜下來想一想，發覺自己「柒咗」。事緣小弟甚少做外景直播，所以都不太了解《熱血時報》外景crew的做法。做法的重點就是：當有節目需要外景直播時，原來係唔可以播相片播影片的！但是以這一集「坐著輪椅愛旅行」來說，相片確實有助描述兩位嘉賓的精彩經歷，所以當嘉賓都將一切相片乖乖地send了給我時，我都很不好意思地與他們說聲，原來直播是不能播相片的，我只好答應在「港豬想旅行」的群組內補post返所有相片。（已post，大家可在「港豬想旅行@passiontimes.hk」群組內睇到）

當一切事情都以為安排好的時候，於是星期三的日間時分便顯得更為輕鬆。下午，我自己約了另一位工作上的朋友去傾公事。怎料到了黃昏時候，收到阿Ka的來電，話俾我聽，佢個Studio大廈的貨𨋢突然壞咗（好彩Studio的另一位partner Darling有幫手睇睇），只剩下一部很窄的客𨋢，阿Ka形容該部𨋢為「我個女架BB車都過唔到」的時候，我們就肯定兩位嘉賓不能上去Studio做節目。於是，所謂的Plan B 便要實行了！

時間緊迫，我和阿Ka又好迅速地分工行事：阿Ka負責急搵場地借／租、八神就負責通知兩位嘉賓以及《熱血時報》的crew，以防大家去錯地址，尤其是兩位輪椅嘉賓，是需要預早很多時間book大架可載輪椅的士到現場的。為了再次變更直播地址，我感到很抱歉，雖然冇人想呢啲事件在毫無準備下發生，但真的發生了。

接著，幾分鐘內阿Ka已搵到觀塘一工廈的主題房間，可以急租出來用。為咗做好節目，我同阿Ka決定共同夾錢即租！當然，租之前都要睇清楚好多細節，例如房間相片、房內有沒有wifi等。前者是我同阿Ka精心挑選的一間以「英倫風情」為主題的房間，有英式電話亭、英式郵筒、英國旗等等道具佈景，一睇就覺得好襯旅遊節目！所以好快就「扑鎚」了。

另一樣要concern就係wifi的必要性，因為同crew溝通過，直播是一定一定需要wifi的，所以呢個係重點中的重點。而直播一般都是一部iPhone+一部DV同拍的，iPhone不會錄，只係for直播出街；DV會錄，archive用，兩機同位同角度並排影著主持及嘉賓。而拍攝的crew有兩位：Atwood及Barry。Atwood知道我們改了地點後，就曾經提議上他位於觀塘駱駝漆的公司做直播，由於我不能再承受太多變數，加上已book了主題房，所以擱置了Atwood的意見，但都很感謝他有好好建議。

節目在晚上10點直播，我同兩位嘉賓為咗食飯，預先約9點鐘在工廈樓下等。而工廈內的主題房，我們是book晚上9-12點的，3小時收費約$700。我同阿Ka都自掏錢包去做好件事，亦不想得失這兩位很好的嘉賓，所以，大家真的要多多支持《港豬想旅行》之餘，仲要課金喔~ 講返正題，我雖然約大家9點鐘，但係我8:40已經到咗樓下，眼見一早到的通仔及剛剛落的士到的Rabi，很開心地與他們吹咗幾句水，我就狗衝去買外賣飯拎上去「英倫房」一齊食，順便傾下一陣做節目個flow。

到咗10點，無驚無險，所有人到齊，開節目順利！真係感謝各位！我地在節目背後好多時都有不同程度的付出，只要你地鐘意睇的話，再辛苦都唔係問題！後生仔，講「熱血」架嘛！

多謝兩位嘉賓的精彩分享！希望大家都好專心聽晒呢一集，學習對輪椅人士的基本態度及旅遊生活方法。
好啦！Archive出咗！大家請細心欣賞節目重溫︰

《港豬想旅行》71集：坐著輪椅愛旅行
http://www.passiontimes.hk/?view=prog33&ep=71

《港豬想旅行》Facebook群組：
http://www.facebook.com/groups/hongkongpigtravel/

熱血主持育成計劃，請課金支持節目主持
八神：
http://www.passiontimes.hk/?view=raise&host=八神
Ka：
http://www.passiontimes.hk/?view=raise&host=Ka
Emma：
http://www.passiontimes.hk/?view=raise&host=Emma
阿薯：
http://www.passiontimes.hk/?view=raise&host=阿薯