我以前對減肥只有一種概念，就係食藥。經過無止境的嘔吐、失眠和歇斯底里地吃無數紅白、藍白的小藥丸，熬過了痛苦的三個月後，仲未死得的話，我便可以擁有一副蒼白無力、虛弱的苗條身軀。

後遺症是月經失調、手震、怕凍、心跳忽快忽慢（尤其是心跳忽快忽慢，呢種感覺係非常之恐怖，就好似隨時下一秒你就會心跳停止，死係路邊一樣），但係食藥呢一種方法係我沿用咗十幾年嘅唯一方法，我從來都冇諗過我會去改變，對我來講，減肥就是燃燒生命。

日前，終於正式開始找數減肥特訓，星期二晚跟陳四和幾位手足去跑步，我第一次感覺到，原來做運動都幾開心，一班人嘻嘻哈哈，互相鼓勵（ok, 我承認只有我需要被鼓勵）而痛苦只有跑緊步嘅時候果區區嘅幾圈，覺得呼吸有少少痛。爆汗也是自從十幾年前中學最後一堂PE堂後便冇再感受過。果種感覺原來都幾爽，返到屋企仲會覺得好眼瞓，可以瞓返一個靚覺。第二日精神飽滿，面頰紅粉菲菲，神采飛揚。

食少咗嘢之後，身體自然地舒爽咗，冇咗嗰種好沉重嘅感覺。我以前好鍾意一下子食好多好多嘢，食到個肚好飽好飽，但原來，當你每一餐都唔係食到盡，慢慢你會覺得呢種感覺其實都唔錯啊。而且而家我食任何嘢都會先將食物放入一碗滾水入面浸一浸，一餐飯吃完，看到碗入面嘅油係幾咁澎湃，真係不禁令我心寒，原來以前每一餐，我都吞左咁多油落肚。

減肥第一個星期真係好神奇，顛覆晒我一直以來對減肥嘅觀念。

人妻先修班第120集：見返美麗的Darling / 提子麵包
節目連結：http://www.passiontimes.hk/?view=prog15&ep=120

腐女民主連線第149集：打令上神七就減肥／原來女漫畫家長這樣
節目連結：http://www.passiontimes.hk/?view=prog2&ep=149