警方向明日（8月18日）的民陣遊行發出反對通知書，只批准於維園集會，民陣上訴之後亦被駁回。

民陣召集人岑子杰今日（8月17日）表示，明日集會會以流水式進行，有人會進入維園集會，同時有議員協助市民離開。

工黨副主席李卓人則呼籲市民排隊進出維園，盡量每一個人都入維園，但不要逗留太耐，十多分鐘之後出去，他說：「我哋就會喺高士威道出去，一路去行，同大家離開，去到金鐘，去到中環，成個做法就係，不斷人入嚟，我哋又出去，一路入嚟，一路出去，咁我哋相信，咁樣可以令到同樣一百萬人、二百萬人，可以參與到我哋聽日嗰個成個集會活動。」