親共組織「保衛香港運動」及「和諧之聲」等4個團體，本週日下午將會在政府總部東翼廣場，舉辦「人大常委決定與國家安全集會」，並邀請了《基本法》委員會副主任梁愛詩、《基本法》委員會委員劉迺強，以及立法會議員梁美芬等重量級人馬出席。其中保衛香港運動發言人傅振中，今日（9月16日）在記招中就以「衰十一」（即與未成年少女發生性行為）來貶低準備罷課，爭取普選的學生。

對於學聯及學民思潮指罷課學生有獨立思考，傅振中就反問是否以獨立思考為理由，就犯法都可以，他更以「衰十一」，來比喻學生罷課行為：「16歲以下嘅兒童呢，佢哋唔應該有性行為嘅，任何講到佢哋兩情相悅，幾咁愛對方，或者佢講到幾咁偉大，幾咁有建設性嘅答案都好，香港法例係保障啲兒童，唔好行差踏錯，咁我都相信呢，如果你將個波交畀啲青少年，自己話有獨立思考嘅，咁係咪第日佢吸毒又得，或者去做其他非法行為都得呢？」

此外，傅振中亦同意昨日李國章的言論，呼籲準備罷課的學生退學：「我都好支持李國章咁講，如果大專生要罷課，你唔好嘥我哋納稅人啲錢啦，你可唔可以退學呀，退學先至係一個犧牲精神嚟丫嘛。」

（港台新聞截圖）