筆者和朋友由26號晚勇武衝擊並佔領公民廣場超過12小時，不得不承認衝閘嗰陣真係有啲淆，不過最後都成功咗，但係中午的曝曬真係好辛苦，加上大聲罵匪，而家喉嚨似火燒。雖然最後成為被差佬暴力清場的其中一員，仲被困在黃竹坑差佬學堂超過6粒鐘，嗰度啲冷氣真係好凍！曝曬完再雪凍返，真係好辛苦！

雖然啱啱放咗出來，而家我哋面臨兩條控罪，分別是非法集會同非法進入政府場地，隨時被差佬起訴同拉去雪房協助調查。

但是大家唔好忘記，我地只是僅僅佔了一處本來就屬於所有公民的地方！大家要有心理準備，未來所有以往大家習以為常的自由和權利，都會在689政權下一一被侵蝕，只有全民抗命，才能保港人的尊嚴！自己的政府自己揀！自己的民主自己爭！永遠唔好以為可以假手於人，更加唔以為可以假手於年幼的學生。

我呼籲各位睇到呢篇文的港人，亡港的喪鐘正為你我而敲，沒有人是孤島！！出來吧！金鐘見！保護學生，即是保護自己！