中國製電動單層巴士今日（12月27日）投入服務，最令人關心的當然是安全問題，不少巴士迷隨即親身試答，反應好壞參半。由於政府全數資助五家專營巴士公司購買電動巴士，故政府新聞處亦都隆重其事，在今早發出新聞稿介紹，而政府新聞網的 Facebook 專頁，今晚亦都出圖宣傳，指「呢五位實習生會喺五條港島路線服務大家」。當然，各大傳媒亦都爭相報道巴士落地情況。

不過從政府新聞處今日的新聞稿所見，主要就是標榜環保，強調可以希望改善路邊空氣質素，但市民最關心的產地就隻字不提。至於無綫新聞方面，亦有相似情況，雖然有巴士迷在受訪時指這架中國比亞迪巴士「不及格」，但同樣未有提及產地。

在政府新聞網的專頁，不少網民都留言表示不太歡迎城巴的比亞迪巴士，有人笑指「呢架巴士最環保嘅地方係令地球少咗人類」、「應該搵成龍做代言人宣傳呢啲巴士，你懂的」，亦有人批評政府不應用納稅人的金錢，資助私營巴士公司買車。

（圖片提供：柏斯敦巴士台）