大家新年快樂，希望新一年大家可以食得更多好野。最近終於有入冬的感覺，天氣乾燥得像整個人也要龜裂似的，但作為一個輕麻甩，沒湯水滋潤也好正常。除了成日落茶記的味精湯跟羅宋湯外，真的沒有機會飲飲湯水，求人不如求己，今天就教大家做個簡單又滋潤的青紅蘿蔔豬骨湯。

大家可能覺得煲湯係呀媽先會做既野，好難又花時間，其實有好多湯水都好簡單又易煲。青紅蘿蔔洗淨切件備用，豬骨汆水，汆水除了可以洗淨豬骨外，更重要係煮出豬骨上的油脂，煲湯時就更少油啦。最後準備一大煲水，凍水時將所有材料落煲，大火煲滖後轉中細火煲兩個鐘即成，最後落鹽調味就OK啦。

（相片由作者提供）