「一周一行」被認為係反大陸水貨客階段性成果，有D人喺FB話要賀一賀佢。我唔會為「一周一行」感到高興，因為賜個「一生一行」畀大陸人我都嫌多。

____________________________

請搞清楚，香港係喪失「批唔批准大陸人入境」嘅決定權……

• 今次個「一周一行」，係港府向北京提交調節大陸旅客來港建議，經國務院批准，公安部門執行。換句話講，係香港「求」大陸唔好放咁多人落來。香港是我家，邊個可以來我屋企，我哋都冇權話事？

水貨客、自由行、每日150個單程證配額，三者我都唔歡迎……

• 水貨客係擺明車馬走私，「一周一行」冇阻截佢哋走私，只係令佢哋「走少咗私」，呢班人依然未有報應，接受應有嘅走私刑責。
• 每日150個單程證配額，方便佢哋同家人團聚，根本係天大嘅笑話。佢哋係香港盧文氏樹蛙嗎？只可以喺香港居住嗎？返大陸團聚會死嗎？要團，請死返去團。
• 自由行嘅素質，係只適合安坐家中，佢地根本唔適合外遊。如果大家有印象，2014年4月，即係一年前，有大陸細路喺MK西洋菜街當街屙屎，大陸人教仔係唔識叫細路去街前屙清佢，咁點解要出街呢？大陸部門勸戒大陸人外遊要文明，唔好失禮街坊，叫香港人包容，話大陸人會進步。香港人唔係大陸人家長，我哋冇需要等大陸人成長架。今年（2015年）4月2日，晚上10時，我喺銅鑼灣希慎廣場4樓，見到一家大陸人喺4樓商場正中央，同個細路換屎片，條屎片放喺雲石地板上，我真係為個雲石地板感到極為難受。

____________________________

香港本身已經有700幾萬人，你望下個世界地圖，香港係同粒塵咁上下大，你話俾13億大陸人「一生一行」，係唔係都太多？

政府嚴厲譴責反水貨客行動，冇反水貨客行動，政府會拿拿臨向北京「求」個「一周一行」返來嗎？政府會做野嗎？

• 今次個「一周一行」係幾多反水貨客行動者，用「承受無理拘捕檢控」換返來？反水貨客行動者為保護香港免受水貨客傷害而被捕，另一邊廂，水貨客唯一嘅損失係「走少咗私」，賺少左。
• 大家應該都有聽過阿富汗女人被強姦，會遭家人嫌棄，要同個強姦犯結婚，如果唔係要坐監。此時此刻，我覺得香港小市民，同阿富汗女人冇分別。

一句到尾，「一周一行」呢個新聞，我笑唔落。