就近日教育局的「粵語非母語」風波，雖然特首林鄭月娥指有人無風起浪，但關注有關議題的藝人鄭中基今午又在Facebook發功，對教育局局長開火。 

鄭中基在Facebook留言向教育局局長楊潤雄連珠炮發，包括「你細個阿媽點教你講說話？你依家係點樣諗嘢？用咩語言邏輯？」又斥教育局引用並非主要研究粵語的學者評論，「仲要問個講國語嘅人，你唔好問個西人？你點樣做教育局長？」，而他最後的結語是「你辭職啦！」 

喜歡搞笑的鄭中基又在留言中，以hashtag指自己「都問咗個賣牛雜嘅學者佢話大家個母語係廣東話喎」及「邊有得R」，認真抵死幽默。 

鄭中基早前也在Facebook炮轟楊潤雄，斥教育局局長「一蟹臭過一蟹」，真歷史要自己來教返，來回應教育局亂評歷史教科書一事。

（圖片來源：鄭中基Facebook專頁截圖）