呵呵呵～作為使錢專家嘅我（唔好問我點賺），對於點樣可以使四千億都覺得有啲頭痕...

嘩！！！成11個零喎，淨係數，都驚自己數錯啦，我計過喇，四千億呢...係可以食160億個價值$25嘅雞髀薯條餐嘅！！！

嗱嗱嗱...我哋講緊億億聲㗎，你唔好同我計凍飲加兩蚊呢啲婆乸數。仲有！我份人就好有大志嘅！對未來有一大希望！就係中六合彩頭獎喇！咁點先中到呢？答案好簡單：問馬會六合彩計算機，揀晒49個冧把　=　13,983,816（注） x $10 = $139,838,160 （即係$1.3億呀～知你數得辛苦㗎喇）即係呢.....四千億可以完成我人生希望 2,857次...幾X咁偉大呀（雖然明知本都保唔到）。

好啦，以上純屬玩嘢，呢段文個重點其實喺幅圖度，要駛四千億，其實有好多方法，但係偏偏香港政府就係要用最笨嘅方法嚟使我哋啲錢。望住11個零嗰陣，個心真真陣陣痛...你老味，你想刷鞋唔該用返你條脷，唔好用香港人啲血汗錢！

（圖：唔係好算少女嘅Joey）