話說吳三桂只念私情、不分是非引清兵入關，明朝遺民都賣駡吳三桂「賣國賊」。吳三桂反駁説「我無賣國！自從我老細崇禎走咗，我哋明朝嘅一國一制就宣布玩完。取而代之嘅，係滿洲人容許我哋漢人在三藩領地有特別行政區的「一國兩制」。我引清兵入關都係落實滿清嘅《基本法》，唔存在賣國嘅問題。反而鄭成功呢個『法西斯』，日日喊打喊殺要抵抗清兵。你知唔知攪喊幾多細路女？（清兵）殺咗人又點喎？點解 (鄭成功) 要貼埋啲『反清復明』、『賣國賊』咁嘅貼紙落軍旗上面！？」

千里之外，南明大將鄭成功回應吳三桂說「咪顛倒黑白！國難當前，吳將軍用感情理由大開城門。滿洲人一直對我大明虎視眈眈，引清兵入關只會引狼入室。佢唔會幫漢人消滅完李自成就回到關外。所謂『自己大明自己救』！」吳三桂回答:「滿洲人的兵力多我六倍，當年『形勢比人強』。還有，滿洲人在關外好可憐。你試吓易地而處，關外天氣寒冷，佢地百姓先至為生計變得粗魯，大家包容吓咪得囉。做人要有同情心、同理心。嘅然滿洲人嚟咗，你理得佢係『雙非』定『三非』，一定要畀足福利人哋。特別係細路仔呀，否則我哋堂堂大國會成功國際笑話。漢人咁文明，不可以向弱者抽刀（刃）！」 

 

關於帶滿人「過關」問題，吳三桂補充說：「邊個入咗嚟中原又點？我都係打份工咋！之前大明封我做『平西伯』，滿洲嘅多爾袞封我做『平西王』。服務對象唔同咗啫！所謂四海一家，他們都是黃皮膚黑頭髮。大家都是中原人！」鄭成功認為應該誓死勤王:「清兵入關後，本來漢人嘅土地成為殖民地。百姓們現在要講滿洲話，做二等公民。我們漢人資源被略奪，入關的滿洲人搶奶媽、搶老師，令漢人無奶飲、無書讀。我們要勇武抗爭，驅逐滿洲的『強國人』！」 

吳三桂反駁: 「你係法西斯！係義和園！（叫得出這兩個名字，證明吳三桂有予知能力。）鄭成功你做乜要攻打台灣？你咁勇武應該殺入北京呀嘛！你唔『對準政權』反而去針對細路？你自稱熱血，但聲討滿清討文，分明字字用冷血寫成！」 

若干年後，滿洲人站穩陣腳，你估平西王份工仲保唔保得住？清帝宣布了「新三藩計劃」，即確立滿洲人自己的八旗兵以代替「三藩」的職位。三藩被下令要裁員（史稱「撤藩」）。原本幫滿洲人入關，仲叫漢人要包容大愛的三藩將領們就流失工作。漢人得知此事，無不歡呼慶祝。雖然漢人也因為吳三桂付出了代價，但賣了國又一直風生水起的「始作俑者」始終惡有惡報。 

--------------------------------------------------------------------------------------------------------------------------------

後記：後來吳三桂率三藩起兵造反，最後得不到足夠漢人支持而事敗。三人說不明白漢人為什麼認為他們賣國，堅稱自己不是出賣大明，反而是真心「愛國」。吳三桂說，雖然他歡迎滿洲人殖民，但他每年也去「平西王公園」悼念當年在北京被李自成逼死的明思宗（崇禎）一家；每年出席晚會都會唱《帝女花》，表示自己仍然愛惜「我是中原人」這身份。不過一直到滿淸第四代最高領導人（即康熙帝），仍然未能成功為明思宗與「愛國盟主將領」袁崇喚「平反」。吳三桂到病死之前，仍為此表示耿耿於懷。