勞工及福利局長張建宗今早（12月21日）出席慈善步行籌款開步禮時，再一次談到亞洲電視欠薪問題，並表示當局已向亞視發出警告信。

除了指已經向亞視發出警告信外，張建宗亦重申不排除向亞視作出檢控：「我係完全明白到員工嗰種焦慮，因為已經差唔多就嚟一個月，同埋年關在即，聖誕查實係對佢哋好大壓力，咁我真係好希望亞視嘅資方能夠盡快處理財政問題，解決工資個發放，因為僱主發放工資係一定嘅責任喺度，天經地義。我提點咗資方，勞工處亦都發咗警告信，就話我哋攞咗律政司意見，唔排除進行檢控。」

張建宗亦透露，明日勞工處將會應亞視員工要求，到公司講解勞工權益，包括申請破產欠薪保障基金事宜，又強調僱員被欠薪超過一個月的話，僱傭合約將會失效，變相集體遣散員工。

（無綫新聞截圖）