而家啲媽咪，個B未夠1歲就叫佢地join 果啲playgroup 學前班，話發掘下佢地嘅潛能，培育下興趣，學習下社交咁。

「你個仔無上Playgroup？第時入學佢可能唔識同其他小朋友溝通架！」

「咩話？一個興趣班都無報，可能無學校收你個仔架，一樣興趣都無，校長可能會覺得佢自閉，我都諗住幫阿B報多個非洲鼓班。」

話就話為個小朋友好，結果變相形成左一種競爭，一種「人有我無」會蝕焯嘅風氣。

有啲貴價少少嘅Playgroup入面情況仲得人驚，啲阿媽企曬響隔離磅住玩。見人地個B係鬼仔，又即刻衝埋去話同人地一組，見人地阿媽著得無咁光鮮，就叫自己個B咪同果個小朋友玩。仲要唔止一個係咁，係大部分係咁。搞到有d小朋友響playgroup 入面係自己play自己group。

主動走埋去玩，啲B又鳥散，真係1歲都未夠就學識社會嘅黑暗面。

喂，我點知住公屋係無人同我玩二人三足呀？

跟手，有啲阿媽啲Language 真係聽死人。

「Rocky, u try throw 個黃色波 to the S hole…」 「S hole 呀 rocky ， S 個格呀！」 「add oil 呀 net pig！show them some color！」 「阿女唔駛shy，mama 幫你answer。」

講真，細細個聽住呢啲文句長大，真係中英都學唔好，第日可能只有whatsapp打字先可以得心應手咁表達自己。

學學埋埋咁多興趣班，又彈琴又打鼓又素描又攝影又跳舞，但又唔係想佢地真係響呢方面發展架喎。我成日懷疑，比佢地學咁多呢啲藝術興趣班，係咪儘早等佢地反感，等佢地知道，嗱，你第時大過，如果做呢啲就食得屎喇。你知啦，商業香港，搞藝術呢科係響食物錬嘅最底層，你寫小說你做音樂你畫畫你跳舞？分分鐘一個Like都呃唔到，因為你老母都唔Like你。

你知啦，啲Like幾貴吖，噤Like唔駛本呀？

「媽...我大個其實想藉著我部相機，用鏡頭捕捉畫面一瞬間嘅感覺...去到唔同嘅地方...將唔同嘅人與事紀錄低...將美感呈現出黎...」

「賴...以...維...生...」

你老母聽到呢句，真係仲傷感過你兜口兜面同佢講this mom is not actually my biological mom。

我地都明港女橫行，有時聽到一啲極品港女結婚嘅音訊，就算唔識呀新郎哥，我地男生都會習慣心深比禮，致予果位偉大嘅巴打，拯救人間，望能好好收服到果位港女朋友，望巴打能長命百歲。

我地真係好天真， 港女一旦成為港媽， 就好似斯路成為完全體咁， 至難頂， 至霸道， 至災難性果面而家先出黎。

而佢地，仲要有成群結隊， 互相加 faith… 互相將歪理合理化。